Hockey India don't "compromise" again..!

As coach Sjoerd Marijne is failed to deliver the results 

September 2017, Hockey India raised the standards for themselves in their decision-making process. The leading authority of Hockey in India made a very "commendable"  decision for the well being of the National hockey team. Hockey India fired the Roelant Oltmans as a head coach of Indian Men Hockey team ‘for lack of results’. Oltmans, who was initially appointed as a High-Performance manager in 2013, became the head coach after Dutchman Paul Van Ass left controversially in 2015.

With this sacking, Rolent Oltmans added into the list of firing international coaches from Indian Hockey. It started with Australian Ric Charlesworth and the list includes Jose Brasa and Australians Michael Nobbs and Terry Walsh. In my opinion and I am sure most of the other hockey lovers are also feeling the same, now it's Sjoerd Marijne who is enjoying every bit of his failure.  Before his supporters will raise the questions, well I doubt if he got any. We must see his performance and no doubt he got the consistency in failure and we know while addressing the media every time he talks about the consistent performance. The question is WHERE is it? 

As we understood the swap policy of Hockey India, they also understand that Sjoerd Marijne didn't deliver the results for the men hockey team and Gold Coast Commonwealth Games was the last nail but the swap policy worked out well in his favour. Now, If Sjoerd Marijne already failed to produce the results with the men hockey team then why he got appointed for the women hockey team again? Hockey India chooses the diplomatic strategy here, why didn't hockey India choose to sack him, as they did with the other big names as mentioned above? If he is not suitable for men national hockey team then how come is suitable for the women national hockey team? 

Let's see his performance as coach. 

You can see clearly in the picture "consistency" is missing but I urge Hockey India to be consistent and ask him the questions about his performance. Some people may challenge he got the recent success in Women World Cup, which I marked as satisfactory performance. But hang on, this team was built by the Harendra Singh and now Sjoerd Marijne is enjoying the glory similarly like Asian Games when women team won the silver medal and we lost final against Japan. Now, please do not forget in 2017 Asia Cup Harendra Singh was the coach of the Indian Women Hockey Team and we beat Japan by 4-2. Harendra is more consistent in his statements, practically, performance and he normally said "We wants to finish with the podium" and he is doing this from Junior World Cup.

Players of men hockey team also raised concerns about the Sjoerd Marijne after the Gold Coast Commonwealth Games. An HI official was quoted by Asian Age as saying (August 2018), "The Gold Coast performance was unsatisfactory and the players too had raised a number of concerns. Be it the coaching methods or team selection, there were many shortcomings (https://www.mykhel.com). He has got only two big achievements, Asia Cup 2017 and World Hockey League Final 2017 and it's marked as good performance in the picture, but after that nothing can be marked as good performance in his tenure. 

I had chances to interview him personally and I also attended the press meets with him during the Gold Coast Commonwealth Games.  To be honest, I am not convinced with his abilities or presentation as a coach and on top of all these, I cannot see he is producing any good results for Hockey India. At last, I will urge Hockey India to make the brave decision and be consistent as we cannot see the consistency in Sjoerd Marijne performance as a coach.

(Normally I write in Punjabi but this time I want to share this information with all the well wishers of the Indian Hockey, so therefore I decided to write in English and on a small note may be coach will also read the first few paragraphs before bashing me on social media 😉)

By: Amrinder Gidda

ਕਬੱਡੀ ਹੰਧਿਆਂ ਦੀ, ਰਾਹ ਪਈ ਕੰਡਿਆਂ ਦੀ !

ਕਬੱਡੀ (ਪੰਜਾਬ ਸਟਾਈਲ) ਦੇ ਅੱਜ-ਕੱਲ ਚੱਲਦੇ ਟੂਰਨਾਮੈਂਟ, ਓ ਮੁਆਫ ਕਰਨਾ ਕਬੱਡੀ ਦੇ ਚੱਲਦੇ ਵਿਸ਼ਵ ਕੱਪਾਂ ਦੌਰਾਨ ਅਕਸਰ ਇੱਕ ਗੱਲ ਕਮੈਂਟਰੀ ਕਰਦੇ ਕਮੈਂਟੇਟਰਾਂ ਵਲੋਂ ਕਹੀ ਜਾਂਦੀ ਹੈ, ਕੇ ਪਰਵਾਸੀ ਵੀਰਾਂ ਵਲੋਂ ਕਬੱਡੀ ਨੂੰ ਕੱਖਾਂ ਤੋਂ ਲੱਖਾਂ ਤੱਕ ਪਹੁੰਚਾਇਆ ਗਿਆ | ਬਿਨਾ ਸ਼ੱਕ, ਇਹ ਗੱਲ ਸੋਲਾਂ ਆਨੇ ਸੱਚ ਹੈ ਅਤੇ ਅੱਜ ਦੇ ਦੌਰ 'ਚ ਪਰਵਾਸੀ ਵੀਰਾਂ ਵਲੋਂ ਕਰਵਾਏ ਜਾਂਦੇ ਵਿਸ਼ਵ ਕੱਪਾਂ 'ਚ ਜੇਕਰ ਖਰਚੇ ਤੋਂ ਲੈ ਕੇ ਇਨਾਮੀ ਰਾਸ਼ੀ ਨੂੰ ਮਿਲਾਇਆ ਜਾਵੇ ਤਾਂ ਇਹ ਵੀ ਕਿਹਾ ਜਾ ਸਕਦਾ ਹੈ ਕੇ ਕਬੱਡੀ ਕਰੋੜਾਂ ਦੀ ਹੋ ਚੁੱਕੀ ਹੈ | ਕੱਖਾਂ ਤੋਂ ਲੱਖਾਂ ਤੱਕ ਅਤੇ ਹੁਣ ਲੱਖਾਂ ਤੋਂ ਕਰੋੜਾਂ ਤੱਕ ਦਾ ਸਫਰ ਤਹਿ ਕਰਨ ਤੋਂ ਬਾਅਦ ਵੀ ਭਵਿੱਖ ਦੇ ਰਾਹ 'ਚ ਰੋੜੇ ਹੀ ਜਾਪਦੇ ਨੇ | ਕਰੋੜਾਂ ਤੋਂ ਵੀ ਕਬੱਡੀ ਭਾਂਵੇ ਅਰਬਾਂ ਦੀ ਹੋ ਜਾਵੇ ਪਰ ਇਸਦੇ ਰਾਹ ਓਦੋਂ ਤੱਕ ਰੋੜੇ ਹੀ ਰਹਿਣਗੇ ਜਦੋਂ ਤੱਕ ਈਰਖਾ ਛੱਡੀ ਨਹੀਂ ਜਾਂਦੀ ਤੇ ਢਾਂਚਾ ਬਣਾਇਆ ਨਹੀਂ ਜਾਂਦਾ | ਖੈਰ, ਜੇਕਰ ਇੱਕ ਨੇ ਢਾਂਚਾ ਬਣਾ ਵੀ ਲਿਆ ਤਾਂ ਈਰਖਾ ਦੇ ਸ਼ਿਕਾਰ ਬਹੁਤੇ ਪਰਵਾਸੀ ਕਬੱਡੀ ਪ੍ਰੋਮੋਟਰਾਂ ਵਲੋਂ ਦੂਸਰੇ ਦਿਨ ਆਪਣਾ ਨਵਾਂ ਢਾਂਚਾ ਬਣਾ ਲੈਣਾ | ਇਸ ਗੱਲ ਉੱਤੇ ਹੱਸਣਾ ਮਨਾ ਹੈ, ਨਹੀਂ ਤੁਸੀਂ ਵੀ ਈਰਖਾ ਦਾ ਸ਼ਿਕਾਰ ਹੋ ਸਕਦੇ ਹੋ | ਚਲੋ ਹੁਣ ਹੱਸ ਲਓ ਅਤੇ ਆਓ ਮਿਲਕੇ ਕਬੱਡੀ ਦੇ ਭਵਿੱਖ ਦੀ ਗੱਲ ਕਰੀਏ |

ਈਰਖਾ ਕਾਰਣ ਕਬੱਡੀ ਵਿਸ਼ਵ ਕੱਪਾਂ ਦੀ ਭਰਮਾਰ:
ਕਬੱਡੀ ਦੇ ਵਿਸ਼ਵ ਕੱਪ ਬਹੁਤ ਸੁਨਣ ਨੂੰ ਮਿਲੇ ਨੇ ਅਤੇ ਬਹੁਤਿਆਂ ਨੂੰ ਸਿਰਫ ਈਰਖਾ ਦੇ ਕਾਰਣ ਹੀ ਕਰਵਾਇਆ ਜਾਂਦਾ ਹੈ | "ਲੈ ਇਨਾਂ ਦੇ ਨਹਿਲੇ ਉੱਤੇ ਦਹਿਲਾ ਮਾਰਾਂਗੇ ਆਪਾਂ", "ਲੈ ਇਨਾਂ ਨੇ ਤਾਂ ਖਿਡਾਰੀਆਂ ਦੇ ਪੈਸੇ ਹੀ ਨੀ ਦਿੱਤੇ ਅਜੇ ਤੱਕ", "ਲੈ ਇਨਾਂ ਨੂੰ ਕੀ ਪਤਾ ਕਬੱਡੀ ਦਾ", "ਲੈ ਅਸੀਂ ਨੀ ਇਨਾਂ ਦੇ ਖਿਡਾਰੀ ਖਿਡਾਉਣੇ" ਅਤੇ ਆਖ਼ਿਰੀ ਪਰ ਸਭ ਤੋਂ ਮਸ਼ਹੂਰ ਜਿਸਤੋਂ ਬਾਅਦ ਪਹਿਲਾ ਜਾਂ ਦੂਸਰਾ ਵਿਸ਼ਵ ਕੱਪ ਕਰਵਾਇਆ ਜਾਂਦਾ "ਲੈ ਇਨਾਂ ਨੇ ਸਾਡੇ ਨਾਲ ਧੱਕਾ ਕੀਤਾ" ਅਤੇ ਹੁਣ ਜੋ ਨਵਾਂ ਚੱਲਿਆ "ਲੈ ਇਨਾਂ ਦੇ ਤਾਂ ਸਾਰੇ ਨਸ਼ਾ ਕਰਕੇ ਖੇਡਦੇ ਪਰ ਸਾਡਾ ਤਾਂ ਇੱਕੋ ਹੀ ਫੜਿਆ ਗਿਆ " | ਇਹ ਸਭ ਕੁਝ ਹੋ ਰਿਹਾ ਕਬੱਡੀ 'ਚ, ਗੱਲ ਕੀ ਪ੍ਰੋਮੋਟਰਾਂ ਵਲੋਂ ਖਿਡਾਰੀ ਵੰਡ ਦਿੱਤੇ ਗਏ ਤੇ ਕਈਆਂ ਨੇ ਤਾਂ ਗੁਰੂਘਰ ਵੀ ਵੰਡ ਲਏ |

ਇੰਨੀ ਈਰਖਾ ਦੇ ਸ਼ਿਕਾਰ ਨੇ ਕੇ ਜਿਸ ਖੇਡ ਮੈਦਾਨ ਉੱਤੇ ਕੋਈ ਪਹਿਲਾਂ "ਵਿਸ਼ਵ ਕੱਪ" ਕਰਵਾ ਲਵੇ ਉਸ ਖੇਡ ਮੈਦਾਨ ਨੂੰ ਵੀ ਨਹੀਂ ਵਰਤਦੇ | ਚਲੋ ਥੋੜਾ ਹੱਸ ਲਈਏ, ਇਥੋਂ ਤੱਕ ਕੇ ਕਲਾਕਾਰ ਵੀ ਇੱਕੋ ਨਹੀਂ ਬਲਾਉਂਦੇ | ਇੰਨੀ ਈਰਖਾ ਦੇ ਮਾਹੌਲ 'ਚ ਜੇਕਰ ਕੋਈ ਇਹ ਸੋਚ ਰੱਖਦਾ ਹੋਵੇ ਕੇ ਉਹ ਅਜੇ ਵੀ ਕਬੱਡੀ ਨੂੰ ਉੱਚੇ ਪੱਧਰ ਤੱਕ ਲੈ ਕੇ ਜਾ ਸਕਣਗੇ, ਤਾਂ ਤੁਹਾਨੂੰ ਮੁਬਾਰਕ ਤੁਹਾਡੀ ਸੋਚ | ਦੇਖਣ 'ਚ ਇਹ ਵੀ ਆਇਆ ਹੈ ਕੇ ਇਸੇ ਈਰਖਾ ਕਾਰਣ ਕਈ ਜਗਾ ਕਬੱਡੀ ਦਾ ਫਾਈਨਲ ਵੀ ਨਹੀਂ ਖੇਡਿਆ ਜਾਂਦਾ, ਭਾਂਵੇ ਦਰਸ਼ਕ ਉਡੀਕੀ ਜਾਣ | ਆਪਣੀ ਬੱਲੇ-ਬੱਲੇ ਅਤੇ ਈਰਖਾ ਨੂੰ ਛੱਡਕੇ, ਪ੍ਰੋਮੋਟਰ ਕਦੇ ਵੀ ਕੋਈ ਅਜਿਹੀ ਸੰਸਥਾ ਨਹੀਂ ਬਣਾਉਣਗੇ ਜਿਸ ਨਾਲ ਕਬੱਡੀ ਨੂੰ ਇੱਕ ਹੀ ਧਾਗੇ ਚ ਪਰੋਇਆ ਜਾ ਸਕੇ, ਚਲੋ ਜੇ ਬਣਾ ਵੀ ਲੈਣ ਤਾਂ ਉਸਤੋਂ ਅਗਲੇ ਮਹੀਨੇ ਹੀ ਦੂਸਰੀ ਧਿਰ ਓਹੋ ਜਿਹੀ ਇੱਕ ਹੋਰ ਸੰਸਥਾ ਬਣਾਵੇਗੀ ਅਤੇ ਪਹਿਲਾਂ ਵਾਲੀ ਤੋਂ ਵੱਡਾ ਨਾਮ ਵੀ ਹੋਵੇਗਾ ਉਸਦਾ | ਈਰਖਾ ਦੇ ਇਸ ਮਾਹੌਲ 'ਚ ਅਜੇ ਤੁਸੀਂ ਘਬਰਾਓ ਨਾ, ਅਜੇ ਹੋਰ ਵਿਸ਼ਵ ਕੱਪ ਦੇਖਣ ਨੂੰ ਮਿਲਣਗੇ ਤੇ ਫਿਰ ਸ਼ਾਇਦ ਸਦਾ ਲਈ ਬੰਦ ਹੋ ਜਾਣਗੇ, ਕਿਓਂਕਿ ਆਉਣ ਵਾਲੀਆਂ ਨਸਲਾਂ ਨੇ ਈਰਖਾ ਦਾ ਸ਼ਿਕਾਰ ਹੋ ਕੇ ਵਿਸ਼ਵ ਕੱਪ ਨਹੀਂ ਕਰਵਾਉਣੇ | ਮੈਂ ਅਕਾਲੀ-ਭਾਜਪਾ ਸਰਕਾਰ ਦੇ ਹਰ ਸਾਲ ਵਿਸ਼ਵ ਕੱਪ ਕਰਵਾਉਣ ਉੱਤੇ ਵੀ ਸਵਾਲ ਚੁੱਕੇ ਸਨ, ਪਰ ਕਈ ਜਗਾ ਤਾਂ ਹੁਣ ਇੱਕੋ ਸੰਸਥਾ ਸਾਲ 'ਚ ਦੋ ਕਰਵਾ ਦਿੰਦੀ ਹੈ, ਇਸ ਵਿਚ ਈਰਖਾ ਤੋਂ ਇਲਾਵਾ ਕੁਝ ਨਹੀਂ |

ਕਬੂਤਰਬਾਜ਼ੀ ਤੋਂ ਬਾਅਦ ਸ਼ੋਸ਼ੇਬਾਜੀ: 
ਇੱਕ ਸਮਾਂ ਸੀ ਜਦ ਕਬੱਡੀ ਨੂੰ ਕਬੂਤਰਬਾਜ਼ੀ ਨਾਲ ਜੋੜਕੇ ਦੇਖਿਆ ਜਾਂਦਾ ਸੀ, ਅੱਜ ਕੱਲ ਇਸ ਵਾਰੇ ਕੋਈ ਜਿਆਦਾ ਜਾਣਕਾਰੀ ਬਾਹਰ ਨਹੀਂ ਆਉਂਦੀ ਜਾ ਕਹੀਏ ਕੇ ਕਬੂਤਰਬਾਜ਼ੀ ਬੰਦ ਹੋ ਗਈ | ਹੋ ਸਕਦਾ ਕਿਤੇ ਨਾ ਕਿਤੇ ਅੱਜ ਵੀ ਇੱਕ-ਦੁੱਕਾ ਕੇਸ ਹੁੰਦੇ ਹੋਣ, ਪਰ ਕਦੇ ਕੋਈ ਕੇਸ ਉਜਾਗਰ ਨਹੀਂ ਹੋਇਆ ਜਾਂ ਕਹੀਏ ਕੇ ਇਸ ਉੱਤੇ ਮਿਹਨਤ ਹੀ ਇੰਨੀ ਕਰ ਲਈ ਕੇ ਕੋਈ ਮਸਲਾ ਬਾਹਰ ਹੀ ਨਹੀਂ ਆਉਂਦਾ | ਉਮੀਦ ਕਰਦੇ ਹਾਂ, ਇਸ ਪੱਖੋਂ ਕਬੱਡੀ ਸਾਫ ਹੋ ਗਈ ਹੋਵੇਗੀ, ਜੇਕਰ ਨਹੀਂ ਤਾਂ ਪ੍ਰੋਮੋਟਰਾਂ ਨੂੰ ਜੋ ਮੰਦਾ ਚੰਗਾ ਆਖਿਆ ਜਾਵੇ ਤਾਂ ਸਹੀ ਹੋਵੇਗਾ | ਹੁਣ ਮਸਲਾ ਸ਼ੋਸ਼ੇਬਾਜੀ ਦਾ ਵੀ ਹੈ, ਉਹ ਵੀ ਬਿਲਕੁਲ ਨਵੇਂ ਪੱਧਰ ਦੀ | ਕਬੱਡੀ ਦੇ ਵਿਕਾਸ ਲਈ ਇੱਕ ਵੀ ਨਵਾਂ ਪੈਸਾ ਨਹੀਂ ਲਾਇਆ ਜਾ ਰਿਹਾ ਅਤੇ ਵਿਸ਼ਵ ਕੱਪ ਕਰਵਾਉਣੇ ਕੋਈ ਵਿਕਾਸ ਨਹੀਂ, ਕਦੇ ਵੀ ਵਿਦੇਸ਼ਾਂ 'ਚ ਕਿਤੇ ਵੀ ਸਬ-ਜੂਨੀਅਰ ਅਤੇ ਜੂਨੀਅਰ ਵਰਗ ਦੇ ਮੁਕਾਬਲੇ ਦੇਖਣ ਨੂੰ ਨਹੀਂ ਮਿਲੇ, ਸਿਰਫ ਵਿਸ਼ਵ ਕੱਪਾਂ ਉੱਤੇ ਹੀ ਆਵਾਗੌਣ ਪੈਸਾ ਵਹਾਇਆ ਜਾ ਰਿਹਾ | ਇਸ ਨਾਲੋਂ ਅੱਧਾ ਪੈਸਾ ਵੀ ਜੇਕਰ ਕਿਸੇ ਹੋਰ ਖੇਡ ਤੇ ਲਾਇਆ ਜਾਵੇ ਤਾਂ ਸਾਨੂੰ ਬੇਹਤਰ ਨਤੀਜੇ ਦੇਖਣ ਨੂੰ ਮਿਲਣਗੇ, ਪਰ ਅਜਿਹਾ ਕਬੱਡੀ ਦੇ ਕੁਝ ਪ੍ਰੋਮੋਟਰਾਂ ਨੇ ਕਰਨਾ ਨਹੀਂ, ਕਿਓਂਕਿ ਫਿਰ "ਵਾਹ-ਵਾਹ ਵੀਰ ਜੀ" ਦਾ ਛੱਜ ਨਹੀਂ ਬੰਨਿਆ ਜਾਣਾ |

ਆਪਣੇ ਪਸੰਦੀਦਾ ਖਿਡਾਰੀਆਂ ਨੂੰ ਪੰਜਾਬ ਤੋਂ ਬੁਲਾਇਆ ਜਾਂਦਾ, ਖਿਡਾਇਆ ਜਾਂਦਾ ਅਤੇ ਸਨਮਾਨਿਤ ਕੀਤਾ ਜਾਂਦਾ, ਚੰਗੀ ਗੱਲ ਹੈ ਪਰ ਕਬੱਡੀ ਦੀ ਅਗਲੀ ਪਨੀਰੀ ਤਿਆਰ ਕਰਨ ਲਈ ਜਿੰਨੇ ਕੁ ਉਪਰਾਲੇ ਨੇ, ਉਹ ਬਿਲਕੁੱਲ ਨਾ-ਮਾਤਰ ਨੇ | ਇਸੇ ਹੀ ਸ਼ੋਸ਼ੇਬਾਜੀ ਕਾਰਣ ਅੱਜ ਤੱਕ ਕਬੱਡੀ ਦਾ ਕੋਈ "ਇੱਕ" ਢਾਂਚਾ ਨਹੀਂ ਬਣ ਸਕਿਆ, ਕੋਈ ਇੱਕ ਵੀ ਨਹੀਂ, ਇਸੇ ਕਾਰਣ ਤਾਂ ਸਾਨੂੰ ਕਬੱਡੀ ਵਿਸ਼ਵ ਕੱਪ 'ਚ ਵੀ ਇੱਕੋ ਦੇਸ਼ ਦੀਆਂ ਦੋ ਟੀਮਾਂ ਖੇਡਦੀਆਂ ਮਿਲ ਜਾਂਦੀਆਂ ਹਨ ਅਤੇ ਕਦੀ ਵਿਸ਼ਵ ਕੱਪ ਚ ਇੱਕ ਦੇਸ਼ ਦੀ ਟੀਮ 'ਚ ਖੇਡਾਂ ਵਾਲੇ ਖਿਡਾਰੀ ਵੀ ਇੱਕੋ ਦੇਸ਼ ਦੇ ਨਹੀਂ ਹੁੰਦੇ, ਸ਼ਾਬਾਸ਼ ਤੁਹਾਡੇ | ਇਨਾਂ ਉਦਾਹਰਨਾਂ ਨਾਲ ਹੀ ਤਾਂ ਇਹ ਦਾਅਵਾ ਕਰਦੇ ਨੇ ਕਬੱਡੀ ਨੂੰ ਓਲੰਪਿਕ ਤੱਕ ਲੈ ਕੇ ਜਾਣ ਦਾ | ਜਿੰਨੇ ਵੀ ਢਾਂਚੇ ਬਣੇ ਨੇ, ਉਹ ਆਪਣੇ ਆਪ ਨੂੰ ਦੂਸਰਿਆਂ ਤੋਂ ਸਰਬੋਤਮ ਹੀ ਮੰਨਦੇ ਨੇ | ਕਈ ਵਾਰ ਤਾਂ ਦਰਸ਼ਕਾਂ ਦੀ ਗਿਣਤੀ ਵਧਾਉਣ ਲਈ ਪਰਵਾਸੀ ਪੰਜਾਬੀ ਪ੍ਰੋਮੋਟਰ ਵੀ ਇਹੋ ਜਿਹੇ ਐਲਾਨ ਕਰਦੇ ਨੇ, ਜੋ ਕਦੇ ਉਹ ਪੂਰੇ ਨਹੀਂ ਕਰਦੇ, ਪਰ ਲੋਕ ਕਬੱਡੀ ਨਾਲ ਪਿਆਰ ਹੋਣ ਦੀ ਖਾਤਰ ਹਰ ਵਾਰ ਉਨਾਂ ਉੱਤੇ ਯਕੀਨ ਕਰਦਿਆਂ ਕਬੱਡੀ ਦੇਖਣ ਜਾਂਦੇ ਨੇ | ਇਨਾਂ ਪ੍ਰੋਮਟਰਾਂ ਦੇ ਕਦੀ ਵੀ ਨਾ ਪੂਰੇ ਹੋ ਸਕਣ ਵਾਲੇ ਐਲਾਨਾਂ 'ਚ ਸ਼ੋਸ਼ੇਬਾਜੀ ਤੋਂ ਇਲਾਵਾ ਕੁਝ ਨਹੀਂ ਹੁੰਦਾ |

ਗੱਪੀਆਂ ਦੇ ਬਿਆਨਾਂ ਦੀ ਜਵਾਬਦੇਹੀ ਕਿਓਂ ਨਹੀਂ:
ਇਹ ਵੀ ਬਹੁਤ ਜਰੂਰੀ ਹੈ, ਬੀਤੇ ਸਾਲਾਂ ਦੌਰਾਨ ਪੰਜਾਬ 'ਚ ਸੱਤਾ 'ਤੇ ਕਾਬਿਜ਼ ਰਹੀ ਅਕਾਲੀ ਭਾਜਪਾ ਸਰਕਾਰ ਦੇ ਕਈ ਲੀਡਰਾਂ ਨੇ (ਬਾਦਲ ਪਰਿਵਾਰ ਸਮੇਤ) ਕਬੱਡੀ ਵਿਸ਼ਵ ਕੱਪ ਕਰਵਾਉਂਦਿਆਂ ਕਬੱਡੀ ਨੂੰ ਓਲੰਪਿਕ ਤੱਕ ਪਹੁੰਚਾਉਣ ਦੀਆਂ ਡੀਂਗਾਂ ਮਾਰ ਦਿੱਤੀਆਂ | ਖੈਰ, ਅਕਾਲੀ-ਭਾਜਪਾ ਸੱਤਾ ਦੇ ਆਖ਼ਿਰੀ ਸਾਲ ਅਖੌਤੀ ਵਿਸ਼ਵ ਕੱਪ ਨਹੀਂ ਕਰਵਾ ਸਕੀ, ਜਿਸ ਦਾ ਮੁੱਖ ਕਾਰਣ ਕਾਫੀ ਟੀਮਾਂ ਵਲੋਂ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਹੋਈ ਬੇਅਦਬੀ ਦੱਸਿਆ ਗਿਆ ਸੀ | ਚੰਗੀ ਗੱਲ ਹੈ, ਪਰ ਵਿਦੇਸ਼ਾ 'ਚੋਂ ਪੰਜਾਬ ਵਿਸ਼ਵ ਕੱਪ ਖੇਡ ਕੇ ਆਈਆਂ ਟੀਮਾਂ ਦੇ ਸੰਚਾਲਕਾਂ ਜਾਂ ਫਿਰ ਪ੍ਰੋਮੋਟਰਾਂ ਵਲੋਂ ਕਦੇ ਇਨਾਂ ਲੀਡਰਾਂ ਵਲੋਂ ਦਿੱਤੇ ਗਏ ਬਿਆਨਾਂ ਵਾਰੇ ਪੁੱਛਿਆ ਹੋਵੇ ਤਾਂ ਮੇਰੀ ਜਾਣਕਾਰੀ ਚ ਵੀ ਵਾਧਾ ਜਰੂਰ ਕਰਨਾ | 

ਓਲੰਪਿਕ ਖੇਡਾਂ ਵਿੱਚ ਕਿਸੇ ਖੇਡ ਨੂੰ ਸ਼ਾਮਿਲ ਕਰਨ ਲਈ ਸਿਰਫ ਗੱਲਾਂ ਦਾ ਕੜਾਹ ਹੀ ਕਾਫੀ ਨਹੀਂ, ਜੋਕਿ ਸਾਡੇ ਨੇਤਾ ਕਬੱਡੀ ਨੂੰ ਓਲੰਪਿਕ ਤੱਕ ਪਹੁੰਚਾਉਣ ਲਈ ਕਰ ਰਹੇ ਨੇ | ਓਲੰਪਿਕ ਵਿੱਚ ਕਿਸੇ ਖੇਡ ਨੂੰ ਆਪਣਾ ਨਾਮ ਸ਼ਾਮਿਲ ਕਰਨ ਲਈ ਉਸ ਖੇਡ ਨਾਲ ਸਬੰਧਿਤ ਖੇਡ ਸੰਸਥਾਵਾਂ ਨੂੰ ਕਾਫੀ ਕੰਮ ਕਰਨ ਦੀ ਜਰੂਰਤ ਹੁੰਦੀ ਹੈ ਅਤੇ ਇਸ ਲਈ ਹਰ ਸਾਲ ਇੱਕ ਵਿਸ਼ਵ ਕੱਪ ਕਰਵਾ ਦੇਣਾ ਹੀ ਕਾਫੀ ਨਹੀਂ | ਓਲੰਪਿਕ ਕਮੇਟੀ ਵਲੋਂ ਬੀਤੇ ਸਾਲਾਂ ਦੌਰਾਨ ਓਲੰਪਿਕ ਵਿੱਚ ਸ਼ਾਮਿਲ ਕੀਤੀਆਂ ਗਈਆਂ ਖੇਡਾਂ ਨੂੰ ਓਲੰਪਿਕ 'ਚ ਬਰਕਰਾਰ ਰੱਖਣ ਲਈ ਸਾਰੀਆਂ ਖੇਡਾਂ ਦਾ ਮੁਲਾਂਕਣ ਕੀਤਾ ਗਿਆ, ਜਿਸ ਵਿੱਚ ਸਿਰਫ ਇਹ ਨਹੀਂ ਦੇਖਿਆ ਗਿਆ ਕਿ ਕਿਸ ਖੇਡ ਨੂੰ ਕਿੰਨੇ ਦੇਸ਼ ਖੇਡਦੇ ਨੇ, ਇਸ ਮੁਲਾਂਕਣ ਵਿੱਚ ਹਰ ਖੇਡ ਨੂੰ ਓਲੰਪਿਕ ਵਿੱਚ ਆਪਣੀ ਭਾਗੀਦਾਰੀ ਜਾਰੀ ਰੱਖਣ ਲਈ ਇੱਕ ਪੇਸ਼ਕਾਰੀ ਦੇਣੀ ਪਈ, ਜਿਸ ਵਿੱਚ ਹਰ ਅੰਤਰਰਾਸ਼ਟਰੀ ਖੇਡ ਸੰਸਥਾ ਵਲੋਂ ਇਹ ਦੱਸਿਆ ਗਿਆ ਕਿ, ਕਿਓਂ ਉਨਾਂ ਦੀ ਖੇਡ ਨੂੰ ਓਲੰਪਿਕ ਵਿੱਚ ਸ਼ਾਮਿਲ ਕੀਤਾ ਜਾਵੇ | ਕਬੱਡੀ ਨੂੰ ਸ਼ਾਮਿਲ ਕਰਨ ਲਈ ਕਿਸੇ ਵਲੋਂ ਵੀ ਕੋਈ ਪੇਸ਼ਕਾਰੀ ਨਹੀਂ ਦਿੱਤੀ ਗਈ, ਖੈਰ ਬਾਦਲ ਅਤੇ ਕੰਪਨੀ ਵਲੋਂ ਦਿੱਤੇ ਜਾਂਦੇ ਬਿਆਨ ਮੇਰੇ ਅੱਗੇ ਸਵਾਲ ਜਰੂਰ ਖੜੇ ਕਰ ਦਿੰਦੇ ਨੇ, ਕਿ ਕਿਓਂ ਇਹ ਲੋਕਾਂ ਨੂੰ ਗੁਮਰਾਹ ਕਰ ਰਹੇ ਨੇ ਅਤੇ ਅਸੀਂ ਆਪਣੇ ਵਾਹ-ਵਾਹ ਦੇ ਛੱਜ ਨੂੰ ਬਚਾਉਣ ਲਈ ਇਨਾਂ ਤੋਂ ਸਵਾਲ ਕਿਓਂ ਨਹੀਂ ਪੁੱਛਦੇ |

ਓਲੰਪਿਕ ਕਮੇਟੀ ਵਲੋਂ ਜਿਨਾਂ ਸ਼ਰਤਾ ਤੇ ਕਿਸੇ ਖੇਡ ਨੂੰ ਓਲੰਪਿਕ ਚ ਸ਼ਾਮਿਲ ਕੀਤਾ ਜਾਂਦਾ ਹੈ, ਉਨਾਂ ਵਿੱਚ ਓਲੰਪਿਕ ਕਮੇਟੀ ਕਿਸੇ ਖੇਡ ਦੇ ਜੂਨੀਅਰ ਅਤੇ ਸੀਨੀਅਰ ਪੱਧਰ ਦੇ ਮੁਕਾਬਲਿਆਂ ਤੇ ਵੀ ਨਜਰ ਮਾਰਦੀ ਹੈ | ਓਲੰਪਿਕ ਕਮੇਟੀ ਇਹ ਵੀ ਦੇਖੇਗੀ ਕਿ ਜੋ ਦੇਸ਼ ਇਸ ਖੇਡ ਨੂੰ ਖੇਡ ਰਹੇ ਹਨ ਕੀ ਉਨਾਂ ਦੇਸ਼ਾਂ ਵਿੱਚ ਰਾਸ਼ਟਰੀ ਪੱਧਰ ਦੇ ਮੁਕਾਬਲੇ ਕਰਵਾਏ ਜਾਂਦੇ ਹਨ ਕਿ ਨਹੀਂ, ਕੀ ਇਸ ਖੇਡ ਦੇ ਜੂਨੀਅਰ ਪੱਧਰ ਦੇ ਅੰਤਰਰਾਸ਼ਟਰੀ ਮੁਕਾਬਲੇ ਹੁੰਦੇ ਹਨ ਕਿ ਨਹੀਂ? ਕਮੇਟੀ ਇਹ ਵੀ ਦੇਖੇਗੀ ਕਿ ਇਸ ਖੇਡ ਦੀ ਲੋਕਪ੍ਰਿਯਤਾ ਕਿੰਨੀ ਕੁ ਹੈ | ਓਲੰਪਿਕ ਵਿਚ ਕਿਸੇ ਵੀ ਖੇਡ ਨੂੰ ਸ਼ਾਮਿਲ ਹੋਣ ਲਈ ਲਗਭਗ 30 ਮਾਪਦੰਡਾ ਦੇ ਅਧਾਰ ਤੇ ਪਰਖਿਆ ਜਾਂਦਾ ਹੈ | ਵਿਦੇਸ਼ਾਂ ਚ ਬੈਠਕੇ ਇਥੋਂ ਦੇ ਢਾਂਚੇ ਵਾਰੇ ਪੰਜਾਬ ਵਾਸੀਆਂ ਨੂੰ ਦੱਸਣ ਵਾਲਿਆਂ ਨੂੰ ਇਹ ਵੀ ਚਾਹੀਦਾ ਹੈ ਕੇ ਵਿਦੇਸ਼ੀ ਢਾਂਚੇ ਤੋਂ ਨੇਤਾਵਾਂ ਦੇ ਗ਼ਲਤ ਅਤੇ ਬੇਤੁਕੇ ਬਿਆਨਾਂ ਉੱਤੇ ਆਮ ਲੋਕਾਂ ਦਾ ਨਜ਼ਰੀਆ ਵੀ ਜਰੂਰ ਸਿੱਖਣ ਅਤੇ ਪੁੱਛਣ ਉਨਾਂ ਨੇਤਾਵਾਂ ਨੂੰ ਜਿਨ੍ਹਾਂ ਕਿਹਾ ਸੀ ਕੇ ਕਬੱਡੀ 2020 ਦੀਆਂ ਓਲੰਪਿਕ ਖੇਡਾਂ 'ਚ ਦੇਖਣ ਨੂੰ ਮਿਲੇਗੀ, ਨਾਲੇ ਇੱਕਮੁੱਠ ਹੋ ਕੇ ਸੁਖਵੀਰ ਬਾਦਲ ਦਾ ਸੁਪਨਾ ਵੀ ਪੂਰਾ ਕਰੋ |

ਜਦ ਕਿਸੇ ਦੀ ਕਿਸੇ ਪ੍ਰਤੀ ਕੋਈ ਜਵਾਬਦੇਹੀ ਨਹੀਂ ਅਤੇ ਕਬੱਡੀ ਪ੍ਰਤੀ ਆਮ ਲੋਕਾਂ ਦੇ ਪਿਆਰ ਨੂੰ ਛੱਡ ਕੇ ਕਬੱਡੀ ਦਾ ਖੇਤਰ ਪ੍ਰੋਮਟਰਾਂ ਦੀ ਈਰਖਾ ਨਾਲ ਭਰਿਆ ਪਿਆ ਹੋਵੇ ਤੇ ਸ਼ੋਸ਼ੇਬਾਜੀ ਦੀ ਹੱਦ ਹੋ ਚੁੱਕੀ ਹੋਵੇ ਤਾਂ ਇਨਾਂ ਹਾਲਾਤਾਂ 'ਚ ਹੰਧਿਆਂ ਦੀ ਕਬੱਡੀ, ਕੰਡਿਆਂ ਦੇ ਰਾਹ ਪਈ ਜਾਪਦੀ ਹੈ | ਮੇਰੀ ਅਪੀਲ ਹੈ, ਐਵੇਂ ਨਾ ਕਬੱਡੀ ਦਾ ਅਤੇ ਪੈਸੇ ਦਾ ਘਾਣ ਕਰੀ ਜਾਓ, ਕੁਝ ਵੱਖਰਾ ਕਰੋ ਜਿਸਦੇ ਨਤੀਜੇ ਵੀ ਵੱਖਰੇ ਦੇਖਣ ਨੂੰ ਮਿਲਣ ਅਤੇ ਜਿਨਾਂ ਦੇਸ਼ਾਂ ਚ ਰਹਿ ਰਹੇ ਹੋ ਉਨਾਂ ਨੂੰ ਵੀ ਕੁਝ ਦਿੰਦੇ ਚੱਲੀਏ | ਹੁਣ ਸ਼ਾਇਦ ਮੇਰੇ ਤੇ ਕੁਝ ਪ੍ਰੋਮੋਟਰ ਸਵਾਲ ਵੀ ਉਠਾਉਣਗੇ, ਕੇ ਇਸਨੇ ਕਬੱਡੀ ਲਈ ਕੀ ਕੀਤਾ ਪਰ ਵਾਅਦਾ ਕਰਦਾ ਮੈਂ ਈਰਖਾ ਦਾ ਸ਼ਿਕਾਰ ਹੋ ਕੇ ਇੱਕ ਹੋਰ ਵਿਸ਼ਵ ਕੱਪ ਨਹੀਂ ਕਰਵਾਉਂਦਾ, ਸਿਰਫ ਅਗਲੇ ਲੇਖ ਦਾ ਇੰਤਜਾਰ ਕਰਨਾ ਜਰੂਰ ਦੱਸਾਂਗਾ ਕੇ ਕੀ ਕੁਝ ਹੋਰ ਹੋ ਸਕਦਾ, ਪਰ ਗੱਲ "ਈਰਖਾ ਦਾ ਛੱਜ" ਛੱਡ ਕੇ ਸੁਣਿਓ |

ਅਮਰਿੰਦਰ ਗਿੱਦਾ

ਰਾਸ਼ਟਰਮੰਡਲ ਖੇਡਾਂ: ਪੁਰਸ਼ ਹਾਕੀ ਟੀਮ ਦੀ ਕਾਰਗੁਜਾਰੀ

ਗੋਲ੍ਡ ਕੋਸਟ ਵਿਖੇ ਸਮਾਪਤ ਹੋਈਆਂ ਰਾਸ਼ਟਰਮੰਡਲ ਖੇਡਾਂ 'ਚ ਜਿਥੇ ਭਾਰਤੀ ਪੁਰਸ਼ ਹਾਕੀ ਟੀਮ ਦਾ ਪ੍ਰਦਰਸ਼ਨ ਆਸ ਦੇ ਮੁਤਾਬਿਕ ਨਹੀਂ ਰਿਹਾ, ਉੱਥੇ ਮਹਿਲਾ ਹਾਕੀ ਟੀਮ ਦੀ ਚਣੌਤੀ ਨੇ ਨਵੀਂ ਆਸ ਦੀ ਕਿਰਨ ਜਰੂਰ ਜਗਾਈ ਹੈ | ਇਨਾਂ ਖੇਡਾਂ ਲਈ ਭਾਰਤੀ ਹਾਕੀ ਟੀਮਾਂ ਨੂੰ ਲੈ ਕੇ ਲਏ ਗਏ ਫੈਸਲੇ ਕਾਫੀ ਅਹਿਮ ਸਨ, ਜਿਨ੍ਹਾਂ ਦਾ ਅਸਰ ਭਾਰਤੀ ਟੀਮ ਦੇ ਪ੍ਰਦਰਸ਼ਨ ਤੇ ਵੀ ਪਿਆ ਅਤੇ ਅਸੀਂ ਪੁਰਸ਼ ਵਰਗ 'ਚ ਕੋਈ ਵੀ ਮੈਡਲ ਜਿੱਤ ਨਹੀਂ ਸਕੇ| ਖੇਡਾਂ ਦੌਰਾਨ ਭਾਰਤੀ ਮਹਿਲਾ ਅਤੇ ਪੁਰਸ਼ ਹਾਕੀ ਟੀਮਾਂ ਵਲੋਂ ਕੀਤੇ ਗਏ ਪ੍ਰਦਰਸ਼ਨ ਨੂੰ ਅੱਖੀਂ ਦੇਖਣ, ਕੋਚ, ਕਪਤਾਨ ਅਤੇ ਖਿਡਾਰੀਆਂ ਨਾਲ ਹੋਈਆਂ ਮਿਲਣੀਆਂ ਤੋਂ ਬਾਅਦ ਇਸ ਲੇਖ 'ਚ ਅਸੀਂ ਭਾਰਤੀ ਪੁਰਸ਼ ਹਾਕੀ ਟੀਮ ਦੇ ਪ੍ਰਦਰਸ਼ਨ ਵਾਰੇ ਖਾਸ ਗੱਲਬਾਤ ਕਰਾਂਗੇ|

ਮਿਡਫੀਲਡ ਰਹੀ ਚਿੰਤਾ ਦਾ ਵਿਸ਼ਾ:

ਭਾਰਤੀ ਪੁਰਸ਼ ਹਾਕੀ ਟੀਮ ਦੀ ਮਿਡਫੀਲਡ ਪੂਰੇ ਮੈਚਾਂ ਦੌਰਾਨ ਚਿੰਤਾ ਦਾ ਵਿਸ਼ਾ ਰਹੀ | ਸਰਦਾਰ ਸਿੰਘ ਅਤੇ ਰਮਨਦੀਪ ਵਰਗੇ ਸੀਨੀਅਰ ਅਤੇ ਤਜਰਬੇਕਾਰ ਖਿਡਾਰੀ ਨੂੰ ਰਾਸ਼ਟਰਮੰਡਲ ਵਰਗੀਆਂ ਖੇਡਾਂ ਤੋਂ ਬਾਹਰ ਰੱਖਣਾ ਬਿਨਾ ਸ਼ੱਕ ਘਾਟੇ ਦਾ ਸੌਦਾ ਸੀ | ਹਾਲਾਂਕਿ ਟੀਮ ਦੇ ਕੋਚ ਨਾਲ ਹੋਈ ਗੱਲਬਾਤ ਦੌਰਾਨ ਉਨਾਂ ਇਸ ਸਵਾਲ ਨੂੰ ਨਕਾਰ ਦਿੱਤਾ ਸੀ, ਪਰ ਭਾਰਤੀ ਮਿਫਲੀਲਡ ਦੇ ਖਿਡਾਰੀ (ਕਪਤਾਨ ਮਨਪ੍ਰੀਤ ਸਿੰਘ ਤੋਂ ਇਲਾਵਾ) ਮਿਫਿਲਡ ਚ ਵਿਰੋਧੀ ਟੀਮਾਂ ਨੂੰ ਰੋਕਣ 'ਚ ਅਸਮਰੱਥ ਰਹੇ, ਜਾਂ ਤਾ ਭਾਰਤੀ ਫਾਰਵਰਡ ਖਿਡਾਰੀ ਹਾਵੀ ਰਹੇ ਜਾਂ ਫਿਰ ਰੱਖਿਆ ਪੰਕਤੀ ਜੂਝਦੀ ਨਜਰ ਆਈ| ਚਿੰਗਲੈਂਸਨਾ ਮਿਡਫੀਲਡ 'ਚ ਕੁਝ ਖਾਸ ਨਹੀਂ ਕਰ ਸਕਿਆ ਅਤੇ ਸਰਦਾਰ ਸਿੰਘ ਦੇ ਬਦਲ ਦੇ ਪੱਖੋਂ ਚਿੰਗਲੈਂਸਨਾ ਦਾ ਪ੍ਰਦਰਸ਼ਨ ਕਿਸੇ ਵੀ ਪੱਖੋਂ ਸੰਤੁਸ਼ਟ ਕਰਨੇ ਵਾਲਾ ਨਹੀਂ ਸੀ| ਆਉਣ ਵਾਲੇ ਸਮੇਂ ਦੌਰਾਨ ਕਈ ਵੱਡੇ ਟੂਰਨਾਮੈਂਟ ਸਾਡੇ ਸਾਹਮਣੇ ਨੇ, ਇਨਾਂ ਟੂਰਨਾਮੈਂਟਾਂ ਦੀ ਤਿਆਰੀ ਲਈ ਜੇਕਰ ਅਸੀਂ ਸਮੇਂ ਸਿਰ ਆਪਣੀ ਮਿਡਫੀਲਡ ਚ ਸੁਧਾਰ ਨਾ ਕੀਤਾ ਤਾਂ ਭੁੱਲ ਜਾਈਏ ਕੇ ਅਸੀਂ ਠੀਕ ਰਸਤੇ ਤੇ ਹਾਂ|

ਪੇਨਲਟੀ ਕਾਰਨਰ ਦਾ ਗੋਲਾਂ ਚ ਤਬਦੀਲ ਨਾ ਹੋਣਾ:

ਭਾਰਤੀ ਡ੍ਰੈਗ ਫਲਿਕਰਜ ਦੁਨੀਆ ਭਰ ‘ਚ ਕਾਫੀ ਬੇਹਤਰ ਮੰਨੇ ਜਾਂਦੇ ਹਨ, ਪਰ ਰਾਸ਼ਟਰਮੰਡਲ ਖੇਡਾਂ ਚ ਹਰਮਨਪ੍ਰੀਤ ਦਾ  ਰੁਪਿੰਦਰਪਾਲ ਕੁਝ ਖਾਸ ਨਹੀਂ ਕਰ ਸਕੇ| ਰੁਪਿੰਦਰਪਾਲ ਦੀ ਟੀਮ ਚ ਹੋਈ ਵਾਪਸੀ ਤੋਂ ਬਾਅਦ ਕਾਫੀ ਉਮੀਦਾਂ ਸਨ, ਪਰ ਉਹ ਵੀ ਆਪਣੇ ਪ੍ਰਦਰਸ਼ਨ ਨਾਲ ਪ੍ਰਭਾਵਿਤ ਕਰਨ ਚ ਸਫਲ ਨਹੀਂ ਹੋ ਸਕੇ| ਹਰਮਨਪ੍ਰੀਤ ਨੇ ਭਾਂਵੇ ਟੀਮ ਦੇ ਲਈ ਪੇਨਲਟੀ ਕਾਰਨਰ ਤੇ ਗੋਲ ਕੀਤੇ, ਪਰ ਉਸ ਨਾਲੋਂ ਤਿੰਨ ਗੁਣਾਂ ਮੌਕੇ ਗਵਾਏ| ਇੰਗਲੈਂਡ ਨਾਲ ਹੋਏ ਆਖ਼ਿਰੀ ਪੂਲ ਮੈਚ ਦੌਰਾਨ ਇੰਗਲੈਂਡ ਦੀ ਟੀਮ ਦੇ ਡ੍ਰੈਗ ਫਲਿਕਰਜ ਨੇ ਆਪਣੀ ਟੀਮ ਨੂੰ ਮਿਲੇ ਪੇਨਲਟੀ ਕਾਰਨਰ ਨੂੰ ਗੋਲਾਂ ਚ ਤਬਦੀਲ ਕਰਕੇ ਭਾਰਤੀ ਟੀਮ ਨੂੰ ਆਖ਼ਿਰੀ ਸਮੇਂ ਤੱਕ ਮੈਚ ਮੁਸ਼ਕਿਲ ਚ ਪਾ ਕੇ ਰੱਖਿਆ| ਭਾਰਤੀ ਟੀਮ ਨੇ ਪੂਰੀਆਂ ਖੇਡਾਂ ਦੌਰਾਨ ਕੁੱਲ 15 ਗੋਲ ਕੀਤੇ, ਹਾਲਾਂਕਿ ਇਨਾਂ ਚੋਂ 10 ਪੇਨਲਟੀ ਕਾਰਨਰ ਨਾਲ ਕੀਤੇ ਗਏ ਹਨ, ਪਰ ਟੀਮ ਨੂੰ ਜਿੰਨੇ ਮੌਕੇ ਮਿਲੇ ਜੇਕਰ ਉਨਾਂ ਦੇ 50 ਪ੍ਰਤੀਸ਼ਤ ਵੀ ਗੋਲਾਂ ਚ ਤਬਦੀਲ ਹੁੰਦੇ ਤਾਂ ਸ਼ਾਇਦ ਗੋਲ੍ਡ ਕੋਸਟ ਰਾਸ਼ਟਰਮੰਡਲ ਖੇਡਾਂ 'ਚ ਭਾਰਤੀ ਪੁਰਸ਼ ਹਾਕੀ ਟੀਮ ਮੈਡਲ ਜਰੂਰ ਜਿੱਤਦੀ|

ਫੀਲਡ ਗੋਲਾਂ ਦੀ ਸੰਖਿਆ ਨਾ ਮਾਤਰ:

ਭਾਰਤੀ ਹਾਕੀ ਟੀਮ ਨੇ ਇਨਾਂ ਖੇਡਾਂ ਚ ਸਿਰਫ 4 ਫੀਲਡ ਗੋਲ ਕੀਤੇ, ਜਦਕਿ ਫੀਲਡ ਗੋਲ ਕਰਨਾ ਭਾਰਤੀ ਟੀਮ ਦੀ ਸਭ ਤੋਂ ਵੱਡੀ ਤਾਕਤ ਮੰਨਿਆ ਜਾਣਦਾ ਰਿਹਾ ਹੈ| ਖੇਡਾਂ ਚ ਪਹਿਲੇ ਤਿੰਨ ਸਥਾਨ ਤੇ ਰਹਿਣ ਵਾਲਿਆਂ ਟੀਮਾਂ ਨੇ ਅਕਰਾਤ੍ਮਕ ਸ਼ੈਲੀ ਨਾਲ ਖੇਡਦਿਆਂ ਕਾਫੀ ਫੀਲਡ ਗੋਲ ਕੀਤੇ| ਖੇਡਾਂ ਚ ਨੰਬਰ ਇੱਕ ਤੇ ਰਹੀ ਟੀਮ ਆਸਟ੍ਰੇਲੀਆ ਨੇ 15  ਦੂਸਰੇ ਨੰਬਰ ਤੇ ਰਹੀ ਨਿਊਜ਼ੀਲੈਂਡ ਦੀ ਟੀਮ ਨੇ 10 ਅਤੇ ਤੀਸਰੇ ਨੰਬਰ ਤੇ ਰਹੀ ਇੰਗਲੈਂਡ ਟੀਮ ਨੇ 8 ਫੀਲਡ ਗੋਲ ਕੀਤੇ| ਭਾਰਤੀ ਫਾਰਵਰਡ ਅਕਾਸ਼ਦੀਪ ਦਾ ਇਨਾਂ ਖੇਡਾਂ ਚ ਪ੍ਰਦਰਸ਼ਨ ਸਭ ਦੇ ਸਾਹਮਣੇ ਸੀ ਅਤੇ ਇਹ ਆਂਕੜੇ ਉਨਾਂ ਦੇ ਪ੍ਰਦਰਸ਼ਨ ਦੀ ਤਸਵੀਰ ਉਕਰਦੇ ਨੇ| ਪਰ ਇਸ ਚ ਸਿਰਫ ਅਕਾਸ਼ਦੀਪ ਦਾ ਦੋਸ਼ ਨਹੀਂ ਹੈ, ਉਸਨੂੰ ਖਿਡਾਉਣ ਵਾਲੀ ਮਿਡਫੀਲਡ ਕਮਜ਼ੋਰ ਰਹੀ | ਪੇਨਲਟੀ ਕਾਰਨਰ ਦੇ ਮੁਕਾਬਲੇ ਫੀਲਡ ਗੋਲਾਂ ਦੀ ਸੰਖਿਆ ਘੱਟ ਹੋਣਾ ਹੋਰ ਵੀ ਚਿੰਤਾ ਦਾ ਵਿਸ਼ਾ ਹੈ|

  

ਬਾ-ਕਮਾਲ ਰਿਹਾ ਸ੍ਰੀਜੇਸ਼:

ਭਾਰਤੀ ਹਾਕੀ ਟੀਮ ਦੀ ਕੰਧ ਕਹੇ ਜਾਣ ਵਾਲੇ ਸ੍ਰਿਜੇਚ ਨੇ ਇਨਾ ਖੇਡਾਂ 'ਚ ਇੱਕ ਵਾਰ ਫਿਰ ਤੋਂ ਸਾਬਿਤ ਕਰ ਦਿੱਤਾ ਕੇ ਕਿਓਂ ਉਸਦਾ ਨਾਮ ਵਿਸ਼ਵ ਦੇ ਸਰਬੋਤਮ ਗੋਲਕੀਪਰਾਂ ਚ ਲਿਆ ਜਾਂਦਾ ਹੈ| ਧਿਆਨਦੇਣਯੋਗ ਹੈ ਕੇ, ਸ੍ਰੀਜੇਸ਼ ਨੂੰ ਸਾਲ 2016 ਚ ਵਿਸ਼ਵ ਭਰ ਦੇ ਬੇਹਤਰੀਨ ਗੋਲਕੀਪਰਾਂ ਨੂੰ ਦਿੱਤੇ ਜਾਂਦੇ ਐਵਾਰਡ ਲਈ ਵੀ ਜਾਰੀ ਹੋਈ ਆਖ਼ਿਰੀ ਸੂਚੀ ਚ ਰੱਖਿਆ ਗਿਆ ਸੀ| ਸ੍ਰਿਜੇਸ਼ ਨੇ ਹਰ ਇੱਕ ਮੈਚ 'ਚ ਆਪਣੇ ਪ੍ਰਦਰਸ਼ਨ ਨਾਲ ਪ੍ਰਭਾਵਿਤ ਕੀਤਾ| ਉਸਦਾ ਪ੍ਰਦਰਸ਼ਨ ਇਸ ਤਰਾਂ ਸੀ, ਜਿਸ ਤਰਾਂ ਉਹ ਸਾਲ 2006 ਚ ਦੱਖਣੀ ਏਸ਼ੀਆਈ ਖੇਡਾਂ ਚ ਭਾਰਤ ਦੀ ਸੀਨੀਅਰ ਟੀਮ ਵਲੋਂ ਪਹਿਲੀ ਵਾਰ ਖੇਡਿਆ ਸੀ| ਸ੍ਰਿਜੇਸ਼ ਨੇ ਇਨਾਂ ਖੇਡਾਂ ਦੌਰਾਨ ਜਿਥੇ ਵਿਰੋਧੀ ਟੀਮ ਦੇ ਕਈ ਫੀਲਡ ਗੋਲ ਰੋਕੇ ਉੱਥੇ ਨਾਲ ਹੀ ਪੇਨਲਟੀ ਕਾਰਨਰਾਂ ਤੇ ਵੀ ਉਸ ਵਲੋਂ ਛਲਾਂਗ ਲਗਾ ਕੇ ਟਾਪ ਕਾਰਨਰ ਵੱਲ ਜਾਂਦੀਆਂ ਕਾਫੀ ਫਲਿਕਜ ਨੂੰ ਬਹੁਤ ਹੀ ਖੂਬਸੂਰਤੀ ਨਾਲ ਰੋਕਿਆ ਗਿਆ| ਸ੍ਰੀਜੇਸ਼ ਦਾ ਇਹਨਾਂ ਖੇਡਾਂ ਚ ਪ੍ਰਦਰਸ਼ਨ ਬਹੁਤ ਵਧੀਆ ਰਿਹਾ, ਜੇਕਰ ਸ਼ਿਰਜੇਸ਼ ਦਾ ਪ੍ਰਦਰਸ਼ਨ ਵੀ ਔਸਤਨ ਰਹਿੰਦਾ ਤਾ ਭਾਰਤੀ ਟੀਮ ਸ਼ਾਇਦ ਪੂਲ ਮੈਚ ਵੀ ਨਾ ਜਿੱਤ ਪਾਉਂਦੀ|

ਕੋਚ ਦੀ ਕਹਿਣੀ ਤੇ ਕਰਨੀ:

ਮੇਰੇ ਇਸ ਲੇਖ ਨੂੰ ਲਿਖਦੇ-ਲਿਖਦੇ ਭਾਰਤੀ ਪੁਰਸ਼ ਹਾਕੀ ਟੀਮ ਦੇ ਕੋਚ ਸ਼ੁਰਡ ਮਾਰੀਨ ਨੂੰ ਹਾਕੀ ਇੰਡੀਆ ਵਲੋਂ ਪੁਰਸ਼ ਟੀਮ ਤੋਂ ਹਟਾ ਦਿੱਤਾ ਗਿਆ, ਕਿ ਇਹ ਫੈਸਲਾ ਸਹੀ ਹੈ ਜਾਂ ਗਲਤ ਇਹ ਇੱਕ ਅਲੱਗ ਵਿਸ਼ਾ ਹੈ, ਪਰ ਭਾਰਤੀ ਹਾਕੀ ਟੀਮ ਦੇ ਪ੍ਰਦਰਸ਼ਨ ਚ ਲਗਾਤਾਰਤਾ ਨਾਲ ਸੁਧਾਰ ਲਿਆਉਣ ਦੀ ਗੱਲ ਕੋਚ ਸ਼ੁਰਡ ਮਾਰੀਨ ਨੇ ਹਰ ਇੱਕ ਨੂੰ ਯਾਦ ਕਰਵਾ ਦਿੱਤੀ ਸੀ, ਪਰ ਲਾਗੂ ਕਰਨ 'ਚ ਸਫਲ ਨਹੀਂ ਹੋ ਸਕਿਆ| ਭਾਰਤੀ ਹਾਕੀ ਟੀਮ ਦੀ ਚੋਣ ਨੂੰ ਲੈ ਕੇ ਕੀਤੇ ਗਏ ਪ੍ਰਯੋਗਾਂ ਦੇ ਨਾਲ ਟੀਮ ਦੇ ਪ੍ਰਦਰਸ਼ਨ ਚ ਲਗਾਤਾਰਤਾ ਨਾਲ ਸੁਧਾਰ ਵਾਲੀ ਗੱਲ ਕਿਸੇ ਵੀ ਪੱਖੋਂ ਪੂਰੀ ਨਹੀਂ ਹੁੰਦੀ ਜਾਪਦੀ ਸੀ| ਸੁਲਤਾਨ ਅਜਲਾਨ ਸ਼ਾਹ ਹਾਕੀ ਟੂਰਨਾਮੈਂਟ 'ਚ ਸਰਦਾਰ ਸਿੰਘ ਨੂੰ ਭਾਰਤੀ ਹਾਕੀ ਟੀਮ ਦੀ ਕਪਤਾਨੀ ਦਿੱਤੀ ਜਾਂਦੀ ਹੈ ਅਤੇ ਰਾਸ਼ਟਰਮੰਡਲ ਖੇਡਾਂ 'ਚੋ ਇਸ ਖਿਡਾਰੀ ਨੂੰ ਬਾਹਰ ਰੱਖਿਆ ਜਾਂਦਾ ਹੈ| ਇਸ ਸਬੰਧੀ ਦਰੁਣਾਚਾਰਿਆ ਅਵਾਰਡ ਜੇਤੂ ਬਲਦੇਵ ਸਿੰਘ ਹੋਰਾਂ ਨਾਲ ਵੀ ਵਿਚਾਰ ਹੋਇਆ ਅਤੇ ਉਨਾਂ ਕਿਹਾ ਕੇ ਸਰਦਾਰ ਸਿੰਘ ਦਾ ਤਜਰਬੇ ਦੇ ਆਧਾਰ ਉੱਤੇ ਹੀ ਨਹੀਂ ਬਲਕਿ ਉਸਦੇ ਕੋਲ ਜੋ ਹੁਨਰ ਹੈ, ਉਸਨੂੰ ਮੁੱਖ ਰੱਖਦਿਆਂ ਵੀ ਉਸਨੂੰ ਟੀਮ 'ਚੋ ਬਾਹਰ ਨਹੀਂ ਸੀ ਰੱਖਿਆ ਜਾ ਸਕਦਾ| ਪਿਛਲੇ ਕਾਫੀ ਸਮੇਂ ਤੋਂ ਟੀਮ ਨੂੰ ਸਥਿਰ ਨਹੀਂ ਸੀ ਰੱਖਿਆ ਜਾ ਰਿਹਾ| ਖੇਡ ਜਗਤ ਦਾ ਇਤਿਹਾਸ ਇਸ ਗੱਲ ਦਾ ਗਵਾਹ ਹੈ ਕੇ ਟੀਮ ਖੇਡਾਂ ਚ ਉਦੋਂ ਤੱਕ ਜਿੱਤ ਨਹੀਂ ਹਾਸਿਲ ਕੀਤੀ ਜਾ ਸਕਦੀ ਜਦੋਂ ਤੱਕ ਟੀਮ ਚ ਸ਼ਾਮਿਲ ਖਿਡਾਰੀਆਂ ਦਾ ਆਪਸੀ ਤਾਲਮੇਲ ਨਾ ਹੋਵੇ, ਪਰ ਸ਼ੁਰਡ ਮਾਰੀਨ ਦੇ ਕਾਰਜਕਾਲ ਹੇਂਠ ਟੀਮ ਦਾ ਤਾਲਮੇਲ ਕਦੇ ਵੀ ਨਹੀਂ ਬਣ ਸਕਿਆ|

ਇਨਾਂ ਹਾਲਾਤਾਂ ਚ ਭਾਰਤੀ ਹਾਕੀ ਦੀ ਕਿੰਨੇ ਘੱਟ ਸਮੇਂ ਚ ਆਪਣੇ ਆਲੋਚਕਾਂ ਨੂੰ ਜਵਾਬ ਦੇਵੇਗੀ, ਇਹ ਗੱਲ ਦੇਖਣਯੋਗ ਹੋਵੇਗੀ ਅਤੇ ਉਮੀਦ ਹੈ ਹਾਕੀ ਇੰਡੀਆ ਵੀ ਹਾਕੀ ਮੇਚ ਦੌਰਾਨ ਖਿਡਾਰੀਆਂ ਦੀ ਰੋਟੇਸ਼ਨ ਵਾਂਗ ਕੋਚ ਦੀ ਰੋਟੇਸ਼ਨ ਜਲਦ ਬੰਦ ਕਰੇਗੀ|ਕੁੱਲ ਮਿਲਾ ਕੇ ਰਾਸ਼ਟਰਮੰਡਲ ਖੇਡਾਂ 'ਚ ਪੁਰਸ਼ ਹਾਕੀ ਦੀ ਹਾਰ ਦੇ ਕਾਰਣ ਰਹੇ ਫੈਸਲੇ, ਤਾਲਮੇਲ ਤੇ ਨਵੇਂ ਪ੍ਰਯੋਗ ਜਿਨ੍ਹਾਂ ਤੋਂ ਜਲਦ ਸਿੱਖ ਕੇ ਅੱਗੇ ਵਧਣ ਦੀ ਜਰੂਰਤ ਹੈ|

ਅਮਰਿੰਦਰ ਗਿੱਦਾ